* مساء / صباح الخير 🌸
اعرف من زمان قاطعه لكن ما كنت حابه انزل اي شي 💕
هالمره جايبه لكم معالج الشعر من اينوار ..
شفت كثير مدح عليه و انه يعالج اكثر من انه بس ينعم الشعر ..
كمان شفت له اكثر من فيديو باليوتيوب ..
* طبيعة شعري تقريبًا كذا :
* الاشياء اللي تحتاجونها :
+ المشط و الستريتنر .. اهم شي تسويه في مكان فيه تهويه عشان ما تنكتمين
* طيب نجي لتجربتي :
غسلت شعري بالشامبو مرتين و المره الثانيه خليته قريب 5 دقايق ..
لبست كمامي و قفازاتي استعدادًا للمهمه 💆
بعدها نشفته شوي و قسمت شعري و بديت اوزع الماده على كل خصله بعيد عن الجذور ب 2 او 1 سم و امشط عشان اشيل الزايد لانه الزايد ممكن يطلع قشره ..
تقريبًا هذي الفقره متعبه اذا سويتيها لحالك لانك تسوي و انتي مكتومه 😂
بعد ما وزعته على شعري كله خليته 15 دقيقه عشان تمسك الماده بالشعر ..
بعد كذا بديت بالمهمه اللي تبكي الحجر 💔 و هي تنشيف الشعر حاولي قد ما تقدرين يكون التنشيف على ورا
عشان الهوا ما يجيبلك ريحة الماده و تنكتمين .. بالتنشيف بتكون مهمه الستريتنر اخف شوي و ما تكون الماده لسى موجوده و يصعب عليك الشغل ..
هنا ساعدتني اختي و بدت تسويه لي قسمت شعري و بدت تسوي خصله خصله
تقريبًا مشت على الخصله كثير الى ١٢ مره عشان الماده تمسك بالخصله
اخذت منا تقريبًا ساعه..
كاتبين انك تقدرين تغسلينه بعد ساعه بس يفضل تخلينه ليله كامله
خليته ليله كامله ثاني يوم لما غسلته ما بعدت عن المرايا 💁
شعري صار مثل ما ابي انا ماحبه ناعم مره ، صار مموج طبيعي يعني ما تحتاجين لاي استشوار الا في المناسبات
بس فيه نفشه خفيفه من قدام بالخصل التعبانه من اول و ما استغربت هالشي لكن من ورا مافيه شي
بشكل عام طالع شعري صحي مره و فيه حياه ..
* اهم عيوبه :
الريحه و الدخان اللي يكتمون و يحرقون العين هي اللي صدق كانت مره متعبه ..
* تقريبًا شعري صار مثل كذا :
اذا طفشتي من شعرك تعبك الاستشوار انصحك فيه مره لانه بيفكلك ازمه و بترتاحين
اخذته من نايس ون 150 مل ب 199 مسوين عليه تخفيض + عندهم خاصية الدفع عند الاستلام..
و يارب أكون أفدتكم 💗